समाचार
पूर्वखोला गाउँपालिकामा स्वागत कार्यक्रम सम्पन्न
पूर्वखोला गाउँपालिकाको व्यवस्थापन,सामाजिक तथा आर्थिक विकास, गाउँपालिकाको ऐन, नीति,नियम तथा योजना एवं कार्यविधिहरुको तर्जुमामा सहजीकरण तथा कार्यान्वयनमा नेतृत्वदायी भूमिका मार्फत समग्र पूर्वखोलाको समृद्दी र विकासको लागि नेपाल सरकारको निर्णय बमोजिम सरुवा भई आउनुभएका प्रमुख प्रशासकीय अधिकृत श्री भेषराज पन्थलाई एक कार्यक्रमका बिच स्वागत गरिएको छ |
पूर्वखोला गाउँपालिकाका उपाध्यक्ष श्री भागीरथी शर्मा भट्टराईको स्वागत मन्तब्यबाट शुरुभएको कार्यक्रममा प्रमुख प्रशासकीय अधिकृत श्री भेषराज पन्थले पूर्वखोला गाउँपालिकाको साझा लक्ष्य प्राप्तिको लागि जनप्रतिनिधि, कर्मचारी र सम्पूर्ण पूर्वखोलावासीहरुको साझा प्रयास आवश्यक रहने भन्दै आफु सदैव साझा प्रयासको लागि साथ दिन तत्पर रहेको बताउनुभयो भने अध्यक्ष श्री नुन बहादुर थापाले भन्नुभयो - "समग्र पूर्वखोलाको समृद्दी र विकासमा प्रमुख प्रशासकीय अधिकृतको समन्वयकारी भूमिका मार्फत प्रभावकारी र स्मरणयोग्य योगदानको अपेक्षा सहित स्वागत गर्न चाहन्छु र सफल कार्यकालको शुभकामना दिन चाहन्छु|"
पूर्वखोला गाउँपालिकाका अध्यक्ष श्री नुन बहादुर थापाको अध्यक्षतामा सम्पन्न कार्यक्रममा सम्पूर्ण वडाध्यक्षहरु, कार्यपालिका सदस्यहरु, कर्मचारीहरु तथा सर्वसाधारणको उल्लेख्य उपस्थिति रहेको थियो भने कार्यक्रमको संचालन गाउँपालिकाको कर्मचारी श्री बाल प्रसाद श्रेष्ठले गर्नु भएको थियो |
आर्थिक वर्ष:
GIS नक्सा
विस्तृत जानकारीको लागि फोटोमा क्लिक गर्नुहोस