समाचार
जेष्ठ नागरिक सम्मान कार्यक्रम सम्पन्न
पूर्वखोला गाउँपालिका वडा नं. ३ द्वारा आयोजित जेष्ठ नागरिक सम्मान कार्यक्रम सम्पन्न भएको छ | कार्यक्रमको उद्घाटन गर्दै प्रमुख अतिथि पूर्वखोला गाउँपालिकाका उपाध्यक्ष श्री भागीरथी शर्मा भट्टराईले जेष्ठ नागरिक अनुभवको खानी, संघर्षको ज्यूदो नमुना र भावी पिढीलाई सकरात्मक दिशातर्फ उत्प्रेरित गर्न महत्वपुर्ण योगदान दिनसक्ने व्यक्ति भएकोले उहाँहरुलाई सम्मान गर्न पाँउदा आफू निकै गौरवान्वित भएको बताउनुभयो भने वडा नं. ३ का वडा अध्यक्ष श्री निलकण्ठ भट्टराईले जेष्ठ नागरिक सम्मान कार्यक्रम वडाले विगतका वर्षहरुमा जस्तै यस वर्ष पनि संचालन गरिएको र आगामी दिनमा पनि निरन्तर संचालन गरिने बताउनुभयो |
वडा नं. ३ का वडा सदस्य श्री हिरा बहादुर ढेंगाको स्वागत मन्तब्य संगै शुरु भएको कार्यक्रममा जेष्ठ नागरिकको तर्फबाट लक्ष्मणलाल आचार्य, गाउँपालिकाका कर्मचारी बाल प्रसाद श्रेष्ठ, वडा नं. ३ का वडा सदस्य श्री प्रेम नारायण पंगेनी लगायतले जेष्ठ नागरिकहरु हाम्रो ज्यूदो इतिहासको रुपमा रहनुभएकोले उहाँहरुलाई सम्मान गर्दै उहाँहरुबाट धेरै कुरा सिक्दै जानुपर्ने बताउनुभयो |
पूर्वखोला गाउँपालिका वडा नं. ३ का वडा अध्यक्ष निलकण्ठ भट्टराईज्यूको अध्यक्षतामा सम्पन्न कार्यक्रममा वडा नं. ३ का ७५ वर्षभन्दा माथिका ४० जना जेष्ठ नागरिकहरुलाई खादा, माला तथा अविर लगाई सम्मान गरिएको थियो भने सबै सम्मानित व्यक्तिहरुको स्वास्थ्य जाचँ तथा औषधि वितरण समेत गरिएको थियो | कार्यक्रम संचालन वडा नं. ३ का सचिव पूर्ण बहादुर चितौरेले गर्नुभएको थियो |
आर्थिक वर्ष:
GIS नक्सा
विस्तृत जानकारीको लागि फोटोमा क्लिक गर्नुहोस