समाचार
पूर्वखोला गाँउपालिकाको संक्षिप्त परिचय
देवीनगर देखी जल्पा बिरकोट रिङ्गनेरह हुँदै पूर्वतिर बगेको खोलाको नामबाट रहन गएको "पूर्वखोला गाउँपालिका " पनि नेपालको एक गाउँपालिका हो । साबिकका ६ वटा गा. वि. स . लाई मिलाएर एक पूर्वखोला गाउँपालिका बनाइएको हो । पूर्वखोला गाउँपालिका डाडाकाँडाले घेरिएको छ ।पूर्वखोला गाउँपालिका १३८.०५ बर्ग कि. मि. क्षेत्रफलमा फैलिएको छ । राष्ट्रिय जनगणना २०७८ अनुसार यस गाउँपालिकाको जनसख्या १६,०५२ रहेको छ ।यस गाउँपालिकाको केन्द्र साबिक रिङ्गनेरह गा .वि. स. को कार्यलयमा रहेको छ ।पूर्वखोला गाउँपालिका पूर्ण खोप , पूर्ण साक्षर साथै खुल्ला दिसा मुक्त भएको गाउँपालिका हो । सामुदायिक र निजी गरी ३८ वटा शिक्षण संस्था भएको यसको सबै वडामा मा. वि. सन्चालित छन् । पाल्पाको उच्च स्थलमा रहेको "हात्तीलेक" यस गाउँपालिकाअन्तर्गत पर्दछ । यहाँको भुभाग पहाडै पहाडले घेरिएको छ । यस गाउँपालिकामा मगर जातिको बाहुल्यता रहेको छ र केहि मात्रामा ब्राहमन , क्षेत्री र दलितहरुको बसोबस रहेको पाइन्छ । यहाँका मानिसहरु एक-आपसमा मिलिजुली आफ्नो-आफ्नो रितिरिवाज मान्दै धर्म कर्ममा रमाएका छन् । यहाँको धार्मिक स्थलहरुमा सिलुवाको चुरेबराजु ,जल्पाको जल्पादेवी , रिङ्गनेरहको शिव मन्दिर्,देवीनगरको भानुमाता देवी ,बिरकोटको अकला देवी र हेकलाङको बाराहा देवी जस्ता धार्मिक स्थलहरु रहेका छन् । सिलुवाको तामाखानी गाँउमा तामाको खानी रहेको विस्वास गरिन्छ र हात्तीलेकमा धेरै कुराको सम्भावित खानिहरु रहेको जानकारीमा आएको छ ।
टिपोट:
कुल क्षेत्रफल: १३८.०५ वर्ग कि.मि.
जम्मा परिवार : ४,१२१
कुल जनसंख्या : १६,०५२
महिलाको संख्या: ८,९५९
पुरुषको संख्या: ७०९३
जनघनत्व:११६
सिमाना
पूर्वमा : रामपुर न.पा. र निस्दी गा.पा.
पश्चिममा: माथागढ़ी र रम्भा गा.पा.
उत्तरमा : रामपुर न.पा. र रम्भा गा.पा.
दक्षिणमा : निस्दी र माथागढ़ी गा.पा.
तापक्रम
अधिकतम: २५ डिग्रीसेल्सियस
न्यूनतम: ६.५ डिग्रीसेल्सियस
अक्षांश :२७.८१२४१८
देशान्तर : ८३.७७९०७९
GIS नक्सा
विस्तृत जानकारीको लागि फोटोमा क्लिक गर्नुहोस