समाचार
प्रमुख प्रशासकीय अधिकृत विदाई कार्यक्रम सम्पन्न
पूर्वखोला गाउँपालिकाको प्रमुख कार्यकारी अधिकृत तथा प्रमुख प्रशासकीय अधिकृत भई पूर्वखोला गाउँपालिकाको विकास र निर्माणमा महत्वपूर्ण योगदान पुर्याउनु भएका प्रमुख प्रशासकीय अधिकृत श्री हरि प्रसाद पौडेलको विदाई कार्यक्रम सम्पन्न भएको छ | कार्यक्रममा प्रमुख अतिथि तथा गाउँपालिका अध्यक्ष श्री नुन बहादुर थापाले भन्नुभयो जनप्रतिनिधि नभएको शुन्य अवस्थामा होस् वा जनप्रतिनिधि आईसकेपछिको नयाँ संरचना र परिवेशमा स्थानिय ऐन, नीति नियम तथा आवधिक योजनाहरु तर्जुमा तथा कार्यन्वयन मार्फत पूर्वखोलालाई समृद्दिको बाटोमा डोर्याउन वहाँले खेल्नु भएको भूमिकाको हामी सदैव उच्च मुल्यांकन र सम्झना गरिरहने छौ| विदाई भएर जानु भएका प्रमुख प्रशासकीय अधिकृत श्री हरि प्रसाद पौडेलले भन्नुभयो यस पूर्वखोला गाउँपालिकामा २० महिनाको बसाईमा यहाँको जनप्रतिनिधि कर्मचारी तथा जनताहरुले दिनुभएको माया सम्मान र साथ मेरो जीवनको एक अमूल्य कमाई हो | भौतिक रुपमा म जहाँ रहेपनि पूर्वखोला गा.पा. को विकास र निर्माणमा मेरो साथ र सहयोग सदैव रहनेछ |
सूचना अधिकारी श्री मोहन ढकालको अध्यक्षतामा सम्पन कार्यक्रममा गा.पा. उपाध्यक्ष श्री भागीरथी शर्मा भट्टराई, जिल्ला समन्वय समितिका सदस्य श्री इश्वरि प्रसाद न्यौपाने, ६ वटै वडाका वडाध्यक्षहरु, कृषि विशेषज्ञ श्री कमान सिंह थापा , उद्धबुद्ध मा.वि. का प्र.अ. लोकहरि देवकोटा लगायतले बोल्नु भएको थियो भने प्रशासन शाखा प्रमुख बाल प्रसाद श्रेष्ठले कार्यक्रम संचालन गर्नुभएको थियो |
आर्थिक वर्ष:
GIS नक्सा
विस्तृत जानकारीको लागि फोटोमा क्लिक गर्नुहोस