समाचार
परियोजना अनुगमन तथा समन्वय समितिको समिक्षा बैठक सम्पन्न
आज मिति २०७५ पौष ६ गते ग्रामिण आर्थिक विकास संघ रेडा पाल्पाको आयोजना एवं पूर्वखोला गाउँपालिकाको समन्वय तथा हेफर इन्टरनेशनल नेपाल, पाल्पाको सहयोगमा परियोजना अनुगमन तथा समन्वय समितिको समिक्षा बैठक सम्पन्न भएको छ |
विभिन्न सहकारी मार्फत पशुपालन तथा कृषि खेतीमा संलग्न कृषकहरुले गरेको पशु तथा कृषि उत्पादन एवं बजारीकरणका क्रममा परेका समस्या तथा समाधानका उपायहरुको बारेमा छलफल गरिएको थियो | गाउँपालिका अध्यक्ष श्री नुन बहादुर थापाको अध्यक्षतामा सम्पन्न कार्यक्रममा गाउँपालिका उपाध्यक्ष श्री भागीरथी शर्मा भट्टराई ,विभिन्न वडाका वडाध्यक्षहरु , कार्यपालिका सदस्यहरु , विभिन्न सहकारी तथा कृषि समुहका प्रतिनिधिहरु, गाउँ कार्यपालिकाको कार्यालयका विभिन्न शाखा प्रमुखहरुले छलफलमा भाग लिनुभएको थियो भने हेफर इन्टरनेशनल नेपालका शोभाखर न्यौपाने र रेडा पाल्पाका प्रेम गोदारले सहजीकरण गर्नु भएको थियो |
आर्थिक वर्ष:
GIS नक्सा
विस्तृत जानकारीको लागि फोटोमा क्लिक गर्नुहोस